APR irasabwa gutsinda Rayon sport yongera amahirwe yo gutwara igikombe no kwesa umuhigo nka Panthere noir

Ikipe ya APR iri ku mwanya wa 2 wa shampiona n’amanota 43 irasakirana kuri iki cyumweru tariki 29 mata 2012 na Rayon sport iri ku mwanya wa 4 n’amanota 37 ndetse ikaba yarataye n’icyizere ku gutwara igikombe.

APR yashinzwe muri kamena1993 ku myaka 19 imaze gutwara ibikombe bya shampiona 12. Iyi imaze gutwara shampiona imyaka itatu ikurikirana (triple) inshuro 3.
                      

Kanda hano wume ikiganiro kivuga:http://kiwi6.com/file/ns33k181nb

Rayon sport yavukiye i Nyanza hashize imyaka 44 ifite ibikombe bya shampiona 6:1975 1981, 1997,1998,2002,2004 ari nacyo iheruka.

Gukomera k’uyu mukino kuva ahanini ku bushongore n’ubukaka bw’amakipe yombi. APR ikipe igaragaza umutungo mu gihe Rayon sport yitirirwa Rubanda nyamwinshi.

Dore ibindi bituma uyu mukino ukomera:

                         Jmarie Ntagwabira-Rayon Sport               Ernest Brandt-APR FC

Umutoza wa Rayon sport Jmarie Ntagwabira araba ahura n’ikipe yakiniye ndetse akanatoza dore ko uyu yagiriyemo ibihe byiza mu 2004.

Naho abakinnyi bakinira Rayon sport nka Nizigiyimana Karim Mackenzie Captain wa Gikundiro ,Fuad Ndayisenga na Bokota Labama ndetse bavuye muri APR ishyamba atari ryeru.

Mu 2004 Karekezi Olivier ubu captain wa APR yari muri shampiona ndetse yarangije afite ibitego byinshi 14 anganya na Mulenda Abed wakiniraga Rayon.

Naho Ndikumana Hamad Katauti wari muri Rayon sport mu 1998 araba akina na APR imyaka 14 irashize.

Dore inwe mu mikino ya shampiona yaranze aya makipe yombi.

Mu 2000 APR yatwaye Rayon igikombe iyirusha inota rimwe nyuma y’imikino 22.

Mu 2002 kuya 18 kanama Rayon sport yatsinze APR 4-1 intsinzi ngari Gasenyi yatsinze Igikona.

Mu 2003 mu gice kibanza cya shampiona APR itsida Rayon 3-1 muri uyu mwaka kandi Karekezi Olivier yarangije shampiona ari uwa 2 mu batsinze ibitego byinshi 8.

Mu 2004 Rayon sports itwara igikombe irusha APR amanita 3 ari nacyo iheruka. Kuya 28 gicurasi aya makipe yombi yanganije igitego kimwe 1-1,na ho kuya 30 ukwakira mu mukino wo kwishyura nabwo biba 1-1.

Karekezi Olivier akaba yari afite ibitego 14 anganya na Mulenda Abed wa Rayon.

Mu 2005 kuya 26 kamena Rayon sport itsinda APR 2-1 gusa mu mukino wo kwishyura kuya 23 ukwakira APR iyinyagira 3-0.

Mu 2006 kuya 1 gashyantare APR itsinda Rayon sport ibitego 4-1 nyamra mu mukino wo kwishyura aya makipe yombi agwa miswi 0-0.

Mu 2006/7 kuya 13 gicurasi APR itsinda Rayon 3-1 maze kuya 25 gicurasi banganya 2-2.

Bokota Labama wa Rayon sport nubu ukiyirimo arangize shampiona ariwe utsinze ibitego byinshi 14 akurikiwe na Kabange Twite wakinaga n’ubu ukiyibarizwamo afite 13.

Mu 2007/8 APR inganya na Rayon sport ibitego 2-2.APR yatsindiwe na Kabange Twite ku munota wa 47 na Masudi Kaka ku munota wa 65 kuri penaliti.Naho Rayon sport itsindirwa na Hategekimana Aphrodis Kanombe ku munota wa 47 ndetse na Lomami Jean ku munota wa 85.

Mu 2008/9 kuya 26 ukwakira APR inganya na Rayon sport 1-1 maze mu mukino wo kwishyura kuya 28 gashyantare 2009 ikipe y’umweru n’ubururu ikora mu jisho rya ab’umweru n’umukara ku gitego 1-0.

Mu 2009/10 kuya 24 mutarama Rayon sport inganya na APR 2-2,aha Bokota Labama wari uvuye muri Rayon sport niwe wayitsinze ibitego byombi naho Gikundiro itsindirwa na Sina Jerome n’ubu ukiri muri Rayon sport.Kuya 26 kamena itaida APR ibitego 2-0.

Mu 2010-2011 mu gice kibanza cya shampiona,kuya 12 werurwe APR itsinda Rayon sport ibitego 3-2.kuya 9 kamena aya makipe amganya 1-1.

Mu 2011/12 kuya 23 ukwakira mu mukino wo kwishyura wari wabanjirijwe n’uwa banyamakuru bibuka Shyaka Claver ndetse hari hamaze kurebwa umukino wahuzaga amakipe y’I Mnchester maze umukino urangira banganije ibitego 2-2.APR yatsindiwe na Mugiraneza JBaptiste Migi ku munota wa 16 na Kodo ku munota wa 89 naho Rayon sport itsindirwa na Fuady Ndayisenga kuri Penalty ku munota wa 45 ndetse na Hamiss Cedric ku munota wa 58.

Ku ruhande rwa APR FC irasabwa gutsinda uyu mukino maze ijye imbere ya Police inota mbere y'uko iyi ikina n'Isonga mu gukomeza guhatanira igikombe maze yese agahigo gafitwe n’ikipe ya Panthere noir dore ko ariyo mu mateka ya shampiona hano mu Rwanda yatwaye ibikombe bine yikurikiranya 1984,85,86 na 87.

Kugeza ubu ikipe ya APR yatwaye ibikombe byinshi 12 iheruka 2011 ikurikiwe na Rayon sport yataye 6 icya nyuma mu 2004 iya gatatu ni Panthere noir yagitwaye 5 icya nyuma icyegukana mu 1987, Kiyovu sport ifite 3 iheruka mu 1993,Mukungwa yo yatwaye 2 ubu yarasenyutse gusa icya nyuma yakizamuye mu 1989 naho ATRACO FC itwara kimwe rukumbi mu 2008.