Umwuka uri hagati ya Manchester city na United mbere y'umukino wo kuwa mbere 30 mata 2012

 Kuri uyu wa mbere I Etihad harabera umukino uhuza za Manchester zombie ureste kuba ari abakeba bahuye Man u ifite ingingimira yo gusiba igisuzuguriro cy’ibitego 6-1 yatsindiwe ku mbehe yabo Old Traffold naho uyu mukino niwo uzatanga igikombe.Gutsinda cg kunganya kwa Ferguson biramuha igikombe cya 20 bityo ashyiremo intera y’ibikombe 2 Liverpool naho City  n’izindi 2 mu mikino isigaje birayihesha igikombe.

                                         
                                Manchester city      Manchester united

Mu 1968 city yatangiye shampiona maze imara imikino7 idatsinzwe nyamara intsinzwi kwa Leeds yafunguriye umuryango Red Devils. Ni umukino wahuje aya makipe yombi  ku itariki ya 27 werurwe 1968. George Best abavumba City igitego dore ko bari Old Traffold gusa abakinnyi ba city Colin Bell, George Heslop na Francis Lee bakiburizamo umukino urangira ari 3-1.

Bucyeye bwaho maze indangaminsi y’imikino irabagora mu kwezi kwa 4,city itsindirwa Stamford Bridge maze inganyiriza I Molineux kwa Wolves nyamara nyuma y’iminsi 5 itsinda Real Madrid 1-0 mu mukino ubanza wa ½ naho mukeba Man u inyagirirwa I Hawthorns na  West Brom 6-3.

None se ubu ni uwuhe mwuka uri muri aya makipe ?

                                        Feruson-Man u                   Mancini-Man city

Umutoza wa Man u Ferguson: birashoboka ko uyu ari wo mukino wa mbere na mukeba mu buzima bwanjye. Tugomba kujyayo kandi turizera kwitwara neza kandi ntidutange ibitego by’ubuswa. Ntakizatubuza umusaruro mwiza I Etihad benshi bati akazi gakomeye ni aka city oya natwe.

Umutoza wa Man city Mancini: Man u niyo iriguhabwa amahirwe kuko baturusha amanita 3 ndetse bafite imikino idakomeye nka twe. Nta mahirwe dufite yo gutsinda.Derby ni umukino mwiza gusa Man u ifite amahirwe kurusha.

                                                Nani-Man u na Joe Hart-Man City

Mababa wa man u Nani: hari umujinya ku bakinnyi kuko twagombaga gutsinda Everton twababajwe no kunganya ibitego 4. Tugomba gukomeza kwizerera mu ireme ry’abakinnyi dufite kandi dufite amahirwe yo gutwara igikombe,ni umukino ukomeye na City ndetse hazaba hashyushye.

Umuzamu wa city Joe Hart: Twariteguye uyu mukino nubwo ku gikombe amahirwe atari cyane gusa ubu arahari kurusha ku cyumweru,twitoje gutera mu mwizamu muri rusange turatyaye.

Dore kandi zimwe mu mpamvu intsinzi igomba kuboneka.

Man u izahita yakira Swansea ku munsi wa 37 wa shampiona kuya 6 z’ukwa 5 iyi kipe ikaba yarabujije amanota Manchester City, Arsenal, Newcastle, Tottenham na Chelsea. Ikindi kandi bazakinira umukino wa nyuma wa shampiona hanze aho bazajya kwa Sunderland imaze gutsindirwa mu rugo 4 gusa muri uyu mwaka.

Man city nayo kuya 6 5 izasura Newcastle iyi itifuza rwagendanyi dore ko nyuma y’uko Chelsea igeze ku mukino wa nyuma icyizere cy’ikipe ya 4 gukina Champions league kiri kugabanuka,uyu nawo kuri City ni Man u ya 2 itaratwaye neza mu mikino yo hanze.

Umukino wa city wa nyuma izakira Queen’s park rangers izaba yiyahura irwana no kutamanuka.

Ngo ku bafana ba Man u ni ukwihorera dore ko ngo nubwo batwara igikombe cya 20 intsinzwi ya 6-1 mu rugo ni agahomamunwa.

Man city izaba ifite inyongera ku bafana no gukinira mu rugo kuko mu mikino 22 ya shampiona yahakiniye yatsinze 21.

Umutekano ku kibuga Etihad stadium

                                                       Greater Manchester police

Nubwo police y’I Manchester yahaye ubuhuru abafana ibasaba kwitwara neza nko muri mutarama ku mukino wa FA man u yatsinze city 3-2 mbere si ko byahoze kuko ku mukino wa Carling mu myaka 2 ishize abafana 29 bose barafunzwe.Nta mufana wemeye kuza yafashe ku gacupa kandi hari ahatemerewe kugera manyinya.

Chief Superintendent John O’Hare umuyobozi wa police Greater Manchester police yagize icyo yisabira abafana ati turabizeza ko umugi wa Mnchester ,abafana bahujwe n’ibyishimo nimureke twishimire ko byanze bikunze igikombe kizataha mu mugi wacu.